Sot zalynda Rýslan Kúlekbaevtyń qolynan qaza tapqan polıseı Meırambek Rahmatýllaevtyń anasy Aıgúl Tanaǵulova ólim jazasyn talap etti.
«Men ulymnan ǵana emes, densaýlyǵymnan da aıyryldym. Mundaı adamdy halyqtyń aldyna shyǵaryp atý kerek. Atý jazasy tek qana atý jazasy berilsin», - dedi Aıgúl Tanaǵulova.
Eske sala keteıik, 18 shilde kúni Almatydaǵy lańkestik oqıǵadan Rýslan Kúlekbaevtyń qolynan aýyr jaralanǵan polısıa qyzmetkeri Meırambek Rahmatýllaev aýrýhanada 1 tamyz kúni kóz jumǵan bolatyn.
Polısıa leıtenanty Rahmatýllaev Meırambek Nurıdıllauly 1992 jyly týǵan, Almaly aýdandyq İİB-niń ýchaskelik ınspektory, ishki ister organdarynda 2012 jyldan beri qyzmet istegen. Úılengen.
Avtor: Almas Muqashuly
https://www.youtube.com/watch?v=cVJEts1KbXw
