بۇگىن الماتىداعى تەرگەۋ اباقتىسىندا رۋسلان كۇلەكبايەۆتىڭ ىسىنە قاتىستى سوت تىڭداۋى ءوتتى، دەپ حابارلادى قازاقپارات ءتىلشىسى.

سوت زالىندا رۋسلان كۇلەكبايەۆتىڭ قولىنان قازا تاپقان پوليسەي مەيرامبەك راحماتۋللايەۆتىڭ اناسى ايگۇل تاناعۇلوۆا ءولىم جازاسىن تالاپ ەتتى.

«مەن ۇلىمنان عانا ەمەس، دەنساۋلىعىمنان دا ايىرىلدىم. مۇنداي ادامدى حالىقتىڭ الدىنا شىعارىپ اتۋ كەرەك. اتۋ جازاسى تەك قانا اتۋ جازاسى بەرىلسىن»، - دەدى ايگۇل تاناعۇلوۆا.

ەسكە سالا كەتەيىك، 18 شىلدە كۇنى الماتىداعى لاڭكەستىك وقيعادان رۋسلان كۇلەكبايەۆتىڭ قولىنان اۋىر جارالانعان پوليسيا قىزمەتكەرى مەيرامبەك راحماتۋللايەۆ اۋرۋحانادا 1 تامىز كۇنى كوز جۇمعان بولاتىن.
پوليسيا لەيتەنانتى راحماتۋللايەۆ مەيرامبەك نۇريديللا ۇلى 1992 جىلى تۋعان، المالى اۋداندىق ءىىب-نىڭ ۋچاسكەلىك ينسپەكتورى، ىشكى ىستەر ورگاندارىندا 2012 جىلدان بەرى قىزمەت ىستەگەن. ۇيلەنگەن.

اۆتور: الماس مۇقاش ۇلى

 

https://www.youtube.com/watch؟v=cVJEts1KbXw