Serik Kúdebaev Almaty oblystyq politsiia departamentiniń bastyǵy qyzmetin atqaryp keldi.
"Alaida 26 qańtarda kriminaldyq jaǵdaidy eskere kele kadr áleýetin nyǵaitý, qylmyspen kúresti kúsheitý, azamattardyń qaýipsizdigin tiimdi qamtamasyz etý úshin Prezident ákimshiligimen kelise otyryp, Ishki ister ministriniń buiryǵymen Arystanǵali Zapparov Almaty oblystyq Politsiia departamentiniń bastyǵy bolyp taǵaiyndaldy .
Qańtar oqiǵasynan keiin Almaty jáne Jambyl oblystary politsiiasynyń basshylyǵy qyzmetterinen shettetildi", – dedi Ishki ister ministrliginiń baspasóz qyzmeti.
Qańtar-aqpan ailarynda ministr E.Turǵymbaevtyń buiryǵymen Almaty jáne Jambyl oblystary ishki ister departamentteri basshylarynyń barlyq orynbasarlary qyzmettik mindetterin oryndaýdan ózin-ózi alyp tastaǵany, mindettemeler men antty buzǵany úshin tártiptik jaýapkershilikke tartyldy.
Serik Kúdebaev Almaty oblystyq politsiiasyn 2020 jyldyń 29 qańtarynan bastap basqardy.
Ol 1965 jyly týǵan, ishki ister organdarynda 1990 jyldan bastap qyzmet etedi. Basshylyq laýazymdarda jumys tájiribesi mol.
2009-2013 jyldary Almaty oblysynyń politsiia departamenti bastyǵynyń birinshi orynbasary, odan keiin bastyǵy bolyp jumys istedi.
2013 jyldyń qazan aiynan bastap Almaty qalasynyń politsiia departamentin basqardy.
