سەرىك كۇدەبايەۆ الماتى وبلىستىق پوليسيا دەپارتامەنتىنىڭ باستىعى قىزمەتىن اتقارىپ كەلدى.
"الايدا 26 قاڭتاردا كريمينالدىق جاعدايدى ەسكەرە كەلە كادر الەۋەتىن نىعايتۋ، قىلمىسپەن كۇرەستى كۇشەيتۋ، ازاماتتاردىڭ قاۋىپسىزدىگىن ءتيىمدى قامتاماسىز ەتۋ ءۇشىن پرەزيدەنت اكىمشىلىگىمەن كەلىسە وتىرىپ، ىشكى ىستەر ءمينيسترىنىڭ بۇيرىعىمەن ارىستانعالي زاپپاروۆ الماتى وبلىستىق پوليسيا دەپارتامەنتىنىڭ باستىعى بولىپ تاعايىندالدى .
قاڭتار وقيعاسىنان كەيىن الماتى جانە جامبىل وبلىستارى پوليسياسىنىڭ باسشىلىعى قىزمەتتەرىنەن شەتتەتىلدى"، – دەدى ىشكى ىستەر مينيسترلىگىنىڭ باسپا ءسوز قىزمەتى.
قاڭتار-اقپان ايلارىندا مينيستر ە.تۇرعىمبايەۆتىڭ بۇيرىعىمەن الماتى جانە جامبىل وبلىستارى ىشكى ىستەر دەپارتامەنتتەرى باسشىلارىنىڭ بارلىق ورىنباسارلارى قىزمەتتىك مىندەتتەرىن ورىنداۋدان ءوزىن-وزى الىپ تاستاعانى، مىندەتتەمەلەر مەن انتتى بۇزعانى ءۇشىن تارتىپتىك جاۋاپكەرشىلىككە تارتىلدى.
سەرىك كۇدەبايەۆ الماتى وبلىستىق پوليسياسىن 2020 جىلدىڭ 29 قاڭتارىنان باستاپ باسقاردى.
ول 1965 جىلى تۋعان، ىشكى ىستەر ورگاندارىندا 1990 جىلدان باستاپ قىزمەت ەتەدى. باسشىلىق لاۋازىمداردا جۇمىس تاجىريبەسى مول.
2009-2013 جىلدارى الماتى وبلىسىنىڭ پوليسيا دەپارتامەنتى باستىعىنىڭ ءبىرىنشى ورىنباسارى، ودان كەيىن باستىعى بولىپ جۇمىس ىستەدى.
2013 جىلدىڭ قازان ايىنان باستاپ الماتى قالاسىنىڭ پوليسيا دەپارتامەنتىن باسقاردى.
