Atyraýdaǵy Lomonosov atyndaǵy mektep muǵalimderi jergilikti bilikke ashyq úndeý jasap, bes jyldan beri keiinge shegerilip kele jatqan jańa mektep qurylysyna qatysty máseleni jedeldetýdi surady. Muǵalimderdiń beineúndeýin AtyrauOil áriptesteri jariialaǵan, dep habarlaidy Dalanews.kz.
1936 jyly salynǵan bilim ordasy 2022 jyly súrilýi tiis bolǵan. Alaida arada birneshe jyl ótse de, ǵimaratty buzý da, jańa mektep qurylysyn bastaý da júzege aspaǵan.
Saldarynan myńnan astam oqýshy men ustaz qolaisyz jaǵdaida bilim alyp, eńbek etýge májbúr bolyp otyr.
"Mundai jaǵdai bilim sapasyna, balalardyń densaýlyǵyna jáne pedagogterdiń jumysyna keri áser etip jatyr. Biz ózge ǵimarattarda otyrǵandyqtan, qarjylandyrý da toqtap tur", – deidi ustazdar.
Olardyń aitýynsha, mektepte qarapaiym tehnikanyń ózi jetispeidi, al interaktivti taqtalar týraly sóz qozǵaýdyń ózi qiyn.
Al bilim basqarmasy qurylys jumystarynyń kesheýildeýin jer telimderin memleket qajetine alý rásiminiń kúrdeliligimen túsindirdi.
