Qazaqstan Respýblikasy Ishki ister ministrliginiń qyzmetkerleri sheteldik áriptestermen birlesken is-qimyl nátijesinde Atyraý oblysynda jasalǵan asa aýyr qylmysqa kúdiktini Indoneziia Respýblikasynda ustady, dep habarlaidy Dalanews.kz
IIM málimetinshe, er adam Indoneziianyń Lombok aralyndaǵy Senarý aýylynda qolǵa túsken. Ol QR Qylmystyq kodeksiniń 99-baby 2-bóligi (eki nemese odan da kóp adamdy óltirý) boiynsha kúdikke alynǵan.
Sondai-aq onymen birge buǵan deiin habar-osharsyz ketti dep halyqaralyq izdeýge jariialanǵan burynǵy jubaiy da anyqtalǵan.
Tergeý derekterine sáikes, 2025 jylǵy qarashada Atyraý oblysynda kúdikti uzaqqa sozylǵan turmystyq janjal men paidakúnemdik niet negizinde eki adamdy qasaqana óltirýdi aldyn ala josparlap, júzege asyrǵan. Qylmystan keiin izin jasyrý maqsatynda máiitterdi sharýashylyq qurylysynyń astyna kómgen, qan izderin joiǵan, sondai-aq jábirlenýshilerdiń múlki men aqshasyn iemdengen.
Qazirgi ýaqytta kúdiktilerdi Qazaqstanǵa deportatsiialaý máselesi qarastyrylyp jatyr.
