Atyraýda Qazaqstan Týyn qorlaǵan qyzdar qamaýǵa alynbaǵan. Bul týraly jergilikti paraqshalardyń biri jazdy, - dep habarlaidy Dalanews.kz.
Málimetke súiensek, politsiiaǵa jetkizilgen tórt kúdikti sotqa deiin bosatylǵan. Olardyń ekeýi kámeletke tolmaǵan.
Olar sot tergeýi aiaqtalǵanǵa deiin eshqaida ketpeý týraly qolhat bergen.
Jelide daý týdyrǵan sýret ne týraly?
Sýrettegiler Saýd Arabiiasy týynyń elementteri bar Qazaqstan Týyn ustap turǵany kórinedi. Onyń joǵarǵy bóliginde arabsha jazý men qylysh beinelengen.
Al sýret Atyraý qalasyndaǵy Hiýaz Dospanova atyndaǵy Muz saraiynda túsirilgen bolýy múmkin.
Quqyq qorǵaý organdary bolǵan oqiǵanyń mán-jaiyn anyqtap jatyr. Tergeý barysynda ustalǵandarǵa kóptegen suraq qoiylýy múmkin: bul Týdy qaidan aldy, ony qandai maqsatta paidalandy jáne nege áleýmettik jelilerde jariialady, t.s.s.?
Qandai jaza tónip tur?
Qazaqstan zańnamasyna sáikes memlekettik rámizderdi qorlaý qylmystyq jaýapkershilikke ákep soǵady.
Qylmystyq kodekstiń 372-baby boiynsha mundai áreket úshin úsh myń ailyq eseptik kórsetkishke deiin aiyppul salý, sol somaǵa túzeý jumystary, 900 saǵatqa deiin qoǵamdyq jumystar, eki jylǵa deiin bas bostandyǵyn shekteý nemese sol merzimge bas bostandyǵynan aiyrý jazasy kózdelgen.
