Atyraýda taksi júrgizýshilerin bopsalaǵan "saqaldy" reketirler qolǵa tústi
Toqsanynshy jyldar uiymdasqan qylmystyq toptyń belsendi músheleri sportshylar edi. Sol bir «úrdis» áli ózgermepti. Quqyq qorǵaý organdary quryqtaǵan bopsalaýshy toptyń qurmanda burynǵy sportshylarmen birge teris dini aǵymnyń sońynda júrgender bar eken.
Qylmystyq toptyń belsendileri belgili bir ýaqyt aralyǵynda qalaaralyq taksi júrgizýshilerin («Atyraý-Oral-Atyraý») úrkitip-qorqytyp, olarǵa álimjettik kórsetip, aqshalai qarajat bopsalaýdy kásipke ainaldyrǵanyn qaýipsizdik salasynyń qyzmetkerleri anyqtady.
Osylaisha óten dini aǵymnyń sońǵynda júrgender toqsanynshy jyldardaǵy «kásipti» qaita jańǵartypty.
Qazirgi tańda teris aǵymnyń sońynda júrgender qoǵamdyq ómirimizge ilesip, el qatarly tirshilik etýden qashady. Kópshiliktiń kóńiline iritki salýdy kózdeitin mundailar qoǵam da qabyldai almaityny belgili.
Ókinishke orai, olar muny áli túsinbeýde. Olar toqsanynshy jyldardaǵy bandittik árketke baryp, qarapaiym halyqqa tize batyryp, quryqqa iligip otyr. Endi olar ózderiniń qoǵamnan qanshalyqty jyraqtap qalǵanyn temir tordyń ar jaǵynda otyryp túsinip, baiyptaýy múmkin.
– Uiymdasqan qylmystyq toptyń 4 belsendisi qylmys ústinde ustaldy. Kúdiktilerdiń turǵylyqty jerinen 4 birlik ártúrli ot qarý men olarǵa arnalǵan oq-dári, sonymen qatar olardyń qylmystyq áreketin dáleldeitin qujattyq materialdar (sonyń ishinde chekter, tirkeý jýrnaldary jáne bank kártishkeleri) tabylyp, tárkilendi, – dep habarlaidy QR UQK baspasóz qyzmeti.
Atalǵan is boiynsha QR QK 194-babynyń 2-bóligi (bopsalaý isi) boiynsha sotqa deiingi tergeý amaldary bastaldy.
Top serkesi ázirgi ýaqytta tergeý izoliatoryna qamaldy, ózgeleri eshqaida shyqpaý týraly anyqtama toltyryp, mindetteme aldy. Tergeý sharalary jalǵasýda delingen baspasóz habarlamada.
https://dalanews.kz/sadak/64826-bizding-zherimizdi-qoltygyna-qysa-kett
