توقسانىنشى جىلدار ۇيىمداسقان قىلمىستىق توپتىڭ بەلسەندى مۇشەلەرى سپورتشىلار ەدى. سول ءبىر «ءۇردىس» ءالى وزگەرمەپتى. قۇقىق قورعاۋ ورگاندارى قۇرىقتاعان بوپسالاۋشى توپتىڭ قۇرماندا بۇرىنعى سپورتشىلارمەن بىرگە تەرىس ءدىني اعىمنىڭ سوڭىندا جۇرگەندەر بار ەكەن.
قىلمىستىق توپتىڭ بەلسەندىلەرى بەلگىلى ءبىر ۋاقىت ارالىعىندا قالاارالىق تاكسي جۇرگىزۋشىلەرىن («اتىراۋ-ورال-اتىراۋ») ۇركىتىپ-قورقىتىپ، ولارعا الىمجەتتىك كورسەتىپ، اقشالاي قاراجات بوپسالاۋدى كاسىپكە اينالدىرعانىن قاۋىپسىزدىك سالاسىنىڭ قىزمەتكەرلەرى انىقتادى.
وسىلايشا وتەن ءدىني اعىمنىڭ سوڭعىندا جۇرگەندەر توقسانىنشى جىلدارداعى «كاسىپتى» قايتا جاڭعارتىپتى.
قازىرگى تاڭدا تەرىس اعىمنىڭ سوڭىندا جۇرگەندەر قوعامدىق ومىرىمىزگە ىلەسىپ، ەل قاتارلى تىرشىلىك ەتۋدەن قاشادى. كوپشىلىكتىڭ كوڭىلىنە ىرىتكى سالۋدى كوزدەيتىن مۇندايلار قوعام دا قابىلداي المايتىنى بەلگىلى.
وكىنىشكە وراي، ولار مۇنى ءالى تۇسىنبەۋدە. ولار توقسانىنشى جىلدارداعى بانديتتىك اركەتكە بارىپ، قاراپايىم حالىققا تىزە باتىرىپ، قۇرىققا ىلىگىپ وتىر. ەندى ولار وزدەرىنىڭ قوعامنان قانشالىقتى جىراقتاپ قالعانىن تەمىر توردىڭ ار جاعىندا وتىرىپ ءتۇسىنىپ، بايىپتاۋى مۇمكىن.
– ۇيىمداسقان قىلمىستىق توپتىڭ 4 بەلسەندىسى قىلمىس ۇستىندە ۇستالدى. كۇدىكتىلەردىڭ تۇرعىلىقتى جەرىنەن 4 بىرلىك ءارتۇرلى وت قارۋ مەن ولارعا ارنالعان ءوق-دارى، سونىمەن قاتار ولاردىڭ قىلمىستىق ارەكەتىن دالەلدەيتىن قۇجاتتىق ماتەريالدار (سونىڭ ىشىندە چەكتەر، تىركەۋ جۋرنالدارى جانە بانك كارتىشكەلەرى) تابىلىپ، تاركىلەندى، – دەپ حابارلايدى ق ر ۇقك باسپا ءسوز قىزمەتى.
اتالعان ءىس بويىنشا ق ر قك 194-بابىنىڭ 2-بولىگى (بوپسالاۋ ءىسى) بويىنشا سوتقا دەيىنگى تەرگەۋ امالدارى باستالدى.
توپ سەركەسى ازىرگى ۋاقىتتا تەرگەۋ يزولياتورىنا قامالدى، وزگەلەرى ەشقايدا شىقپاۋ تۋرالى انىقتاما تولتىرىپ، مىندەتتەمە الدى. تەرگەۋ شارالارى جالعاسۋدا دەلىنگەن باسپا ءسوز حابارلامادا.
https://dalanews.kz/sadak/64826-bizding-zherimizdi-qoltygyna-qysa-kett
