Chempionat barysynda qatysýshylar ózderiniń injenerlik dizainy naqty qoiylǵan mindetterdi oryndaýǵa baǵyttalǵan qurylǵylardyń ázirlemelerin usyndy. Konstrýktorlyq sheshimderi men baǵdarlamalyq kody tapsyrmany eń az ýaqytta dál oryndaýǵa múmkindik beretin komandalar eń joǵary ball aldy. Mysaly, «Robosýmo» sanatynda kez-kelgen pozitsiiadan qarsylastyń ornalasqan jerin anyqtap, ony ringten tys iteretin robottar kórsetildi. «Kegelring-kvadro» sanatynda robottar keglderdiń berilgen túsin avtomatty túrde anyqtap, olardy basqalarmen qaqtyǵyspai, iterip jiberdi, al «Biatlonda» balalarǵa robottardy belgili bir syzyqty ustanýǵa, kedergilerdi ainalyp ótýge, nysanaǵa tigizýge jáne olardy atýǵa bolatyndai etip jasap, baǵdarlamalaý qajet boldy.
Jyl saiyn «KazRoboSport» chempionatyn «KazRobotiks» qazaqstandyq sporttyq jáne bilim berý robototehnika federatsiiasy» RQB uiymdastyrady. Biylǵy jyly is-shara «Shevron» kompaniiasymen jáne Ortalyq Aziianyń Eýraziia Qorymen seriktestikte «Jasspace: Atyraý qalasynyń jastaryn damytý bastamasy» baǵdarlamasy sheńberinde ótkizildi.
– Men mundai is-sharaǵa alǵash ret qatystym. Ol men úshin óte paidaly jáne qyzyqty boldy. IT tehnologiialar men robototehnika – bul bizdiń bolashaǵymyz. Men osy baǵytta odan ári damyǵym keledi, – dep óz áserimen bólisti Atyraý qalasyndaǵy № 16 mekteptiń 8 synyp oqýshysy Diana Marzabaeva.
Chempionat Qazaqstanda sporttyq robototehnikany damytýǵa múddeli talantty jas qatysýshylardy biriktiredi. Komandalarmen birge chempionatqa olardyń pedagog-tálimgerleri keldi. Komandalar jarysyp jatqanda, dóńgelek ústel ótkizildi, onda OAEQ men «KazRobotiks» ókilderi bolashaq josparlarymen bólise aldy, al oqytýshylar týyndaǵan máseleler boiynsha keri bailanys bere aldy. Osylaisha, mektep deńgeiinde innovatsiialardy tikelei júzege asyratyn tulǵalarmen birge aimaqtaǵy STEAM damýy boiynsha aǵymdaǵy máseleler jáne olardy sheshýdiń múmkin joldary talqylandy.
Qazaqstandyq «Kazrobotiks» robototehnika Federatsiiasynyń prezidenti Aijan Jekeevanyń aitýynsha, karantinnen keiin jalpy el boiynsha balalardyń daiyndyq deńgeii tómendegenine qaramastan, Atyraýda is-shara joǵary deńgeide ótti. «Shevron» kompaniiasyna jobany qoldaǵany úshin, sondai-aq bizdiń jastarymyzdyń damýy úshin qolaily jaǵdai jasaýǵa belsendi qatysqany úshin alǵys aitqym keledi», – dep tolyqtyrdy Jekeeva.
Atyraý oblysynda «KazRoboSport» robototehnika chempionatynyń qorytyndysy boiynsha kelesi qatysýshylar jeńimpaz atandy:
«Sýmo 25h25 (6-13 jas)» sanatynda birinshi oryndy Qalymjan Nursultan (Teren Oi, Atyraý), ekinshi oryndy Aldan Anýar (Teren Oi, Atyraý), úshinshi oryndy Tegisbaev Raiymbek jáne Tsoi Kirill (16 mektep-litseii, Atyraý) ielendi.
«Sýmo 25h25 (14-18 jas)» sanatynda birinshi oryndy Tarbanov Damir (Atyraý BIL), ekinshi oryndy Liýbsali Ulaǵat jáne Serikuly Nurbolat (Almaly aýylynyń orta mektebi), úshinshi oryndy Ismaǵambetov Álimhan jáne Qasymqoja Erǵali (B. Qanatbaev atyndaǵy mektep, Dossor) ielendi.
«Kegelring-kvadro (6-13 jas)» sanatynda birinshi oryndy Ámirbek Anvar men Ámirbek Aldiiar (Teren Oi, Atyraý), ekinshi oryndy Erikuly Bekarys pen Naýryzbai Almaz (IT litsei) ielendi.
«Kegelring-kvadro (14-18 jas)» sanatynda birinshi oryndy Qadyrjan Aldońǵar (Teren Oi, Atyraý) ielendi, ekinshi oryndy Rysjan Nurqanat, Samalyq Álibi (IT litsei) jáne Sisenbai Ásel, Ermek Janel (B. Qanatbaev atyndaǵy mektep, Dossor) bólisti.
«Biatlon (10-14 jas)» sanatynda birinshi oryndy Qamza Abdrahman men Tańbai Miras (Jas tehnikter stantsiiasy, Qulsary), ekinshi oryndy Ánýar Qýandyquly men Jaiylys Nurlan (RoboMax klýby, Atyraý), úshinshi oryndy Ábish Nurdáýlet pen Amangeldi Aibek (RoboMax klýby, Atyraý) ielendi.
«Robosýmo 10*10 (14-17 jas)» sanatynda birinshi oryndy Sakishev Azamat jáne Qasym Aidyn (Teren Oi, Atyraý), ekinshi oryndy Marzabaeva Diana jáne Qazbekova Aijan (16 mektep-litseii, Atyraý) ielendi.
«Robosýmo 10*10 (18-21 jas)» sanatynda Baqtygereev Abdýrahman jáne jaqsylyq Ábilmansur (Teren Oi, Atyraý) óner kórsetti.
«Biatlon» jáne «Robosýmo 10*10» sanattaryndaǵy jeńimpazdar kúzde elordada «KazRoboSport-2022» respýblikalyq chempionatynda óner kórsetip, basqa oblystar men qalalardyń úzdik ókilderimen básekelesý úshin Atyraý oblysynyń qurama komandasyna kiredi.
– Jarystarǵa daiyndyq barysynda tehnikalyq daǵdylar men quzyrettermen qatar balalar komandada bir-birimen ózara árekettesýdi úirendi. Jarystar kezinde balalar stresske qarsy turý daǵdylaryn igeredi, syni jáne kreativti oilaýdy, belgisizdik jaǵdaiynda tez sheshim qabyldaýǵa, bir-birimen kelissózder júrgizýge, nátijege degen ortaq jaýapkershilikti alýǵa úirenedi. Bul barlyq adamdarǵa qoǵamda kez kelgen kásip pen qyzmet salalarynda tiimdi iske asyrý úshin qajet qasietter, – dep qosty is-sharanyń qorytyndysynda Ortalyq Aziianyń Eýraziia Qorynyń joba menedjeri Saltanat Noǵaibalanova.
