Atyraý mańynan Jangeldin aýylynda joǵalǵan otbasynyń taǵy eki múshesiniń máiiti tabyldy,dep habarlaidy Dalanews.kz "Ulysmedia"-ǵa silteme jasap.
Derekkózdiń málimetinshe, Atyraý qalasynyń mańyndaǵy Geolog shaǵyn aýdanyndaǵy ýaqytsha turǵyn úidiń aýlasynan Naýryz ben Miramgúldiń deneleri tabylǵan. Aldyn ala aqparatqa sáikes, olardy óltirip, ýaqytsha úidiń aýlasyna jasyryn túrde kómip ketken. Buryn bul jerde kúdikti Sultan Sársemáliev jubaiymen birge turǵan.
Eske salaiyq, buǵan deiin Jangeldin aýylyndaǵy sharýashylyq qurylysynyń ishinen osy otbasynyń erli-zaiyptylarynyń máiitteri tabylǵan bolatyn. Aldyn ala boljam boiynsha, olardy da Sársemáliev óltirgen.
Qylmysty jasyrý úshin sarai aýlasynan shamamen bir jarym metr tereńdikte shuńqyr qazylyp, máiitter sonda kómilgen. Keiin ústine topyraq tógilip, linoleým jabylyp, divan qoiylǵan.
Osylaisha qazirgi ýaqytta joǵalǵan otbasynyń barlyq músheleriniń máiitteri tabylǵany habarlanyp otyr.
Atalǵan derek boiynsha tergeý jalǵasyp jatyr. Quqyq qorǵaý organdary qylmystyń basqa da mán-jaiyn anyqtap jatyr.
Eske salaiyq, Atyraý oblysynda qaza tapqan erli-zaiyptynyń ólimi boiynsha kúdikti Sultan Sársemáliev pen Aqbaian Muqanǵalieva Qazaqstanǵa jetkizilgenin jazǵan bolatynbyz. Buǵan deiin olar Indoneziiada ustalǵan bolatyn.
