Oblystyq jedel-járdem stansasynyń direktory Baýyrjan Tólegenniń aitýynsha, jańa kólikter «QDB – lizing» esebinen alynǵan.
– Jetkizilgen avtokólikterdiń úsheýi aýdandarǵa jiberiletin bolsa, qalǵan 17-si qalalyq jedel-járdem stansasyna beriledi. Búginde oblys kóleminde táýligine 700-750 shaqyrtý kelip túsýde. Pandemiia órshigen tusta qońyraýlar sany 1700-ge deiin jetken bolatyn, – deidi Baýyrjan Tólegen.
Qazir stansada jańadan kelgen 66 jedel járdem meditsinalyq kóligi bar. Onyń 20-sy búgin berilip, 46-sy ótken jyly kelgen. Atap aitqanda, 2020 jyldyń qazan aiynda 28 jedel járdem kóligi kelse, qarasha aiynda 18 kólikpen tolyqty.
Eske sala keteiik, qazirgi ýaqytta óńirde COVID-taksiler joq. Onyń ornyna jedel-járdem stansalarynyń kóligi qyzmet etýde. Jedel-járdem kóligi shuǵyl shaqyrtýǵa 12-13 minýtta jetedi.
