Atyraýda kúieý balalary jaldap turǵan úi irgesinen óli tabylǵan Naýryz Muqanǵaliev pen Meiramgúl Qarabalinanyń denesinde úshkir zattyń jaraqaty bolǵan. Bul týraly politsiia málimdedi, dep habarlaidy Dalanews.kz "Astana" telearnasyna siltep.
"Múrdelerde úshkir zattan jaraqat bar, kórdik. Kózge kórinip turǵan. Alaida ol neden bolǵanyn saraptamadan soń bilemiz. Tergeý bitkennen keiin naqty jaýap beremiz", - dedi oblystyq Politsiia departamenti bastyǵynyń birinshi orynbasary Quttybai Sadyqov.
Aita keteiik, 2025 jyly jeltoqsanda politsiiaǵa Atyraý oblysy Jangeldin aýylynda 66 jastaǵy er adam, 64 jastaǵy áiel, sondai-aq, olardyń balalary - 32 jastaǵy uly men 35 jastaǵy qyzy habar-osharsyz ketkeni týraly habarlama túsken.
Týystarynyń aitýynsha, otbasy qarashadan beri bailanysqa shyqpaǵan. Tórteýi de joǵalyp ketken adamdar retinde izdeý jariialandy. Bul derek boiynsha sotaldy tergep-tekserý bastalyp, jedel tergeý toby quryldy. Keiin tórteýi de óli tabyldy. Bul is boiynsha kúieý balalary - kúdikti.
