Atyraýda jalańash júrgen er adam jurtty shoshytty, dep habarlaidy Dalanews.kz.
Áleýmettik jelide er adamnyń videosy tarap ketti. Atyraý oblysy Politsiia departamenti málimetinshe, qoǵamdyq tártipti buzǵan er adam qamaýǵa alynǵan.
"Qoǵamdyq orynda jalańash júrgen 1964 jyly týǵan er adam dereý ustalyp, oǵan qatysty QR ÁQBtK-niń 434-baby ("Usaq buzaqylyq") boiynsha ákimshilik hattama toltyryldy. Er adam ýaqytsha ustaý ornyna qamaldy", - dedi politsiia.
Ol profilaktikalyq jáne meditsinalyq esepte turmaityny anyqtaldy.
Atyraý oblysynyń Politsiia departamenti azamattardy qoǵamdyq tártipti saqtaýǵa jáne ainalasyndaǵylarǵa qurmetpen qaraýǵa shaqyrdy.
