Atyraýda er adam 9 jastaǵy balaǵa shabýyl jasaǵan, dep habarlaidy Dalanews.kz.
Áleýmettik jelilerde er adamnyń oinap júrgen balalarǵa jaqyndap, 9 jastaǵy balany urǵany týraly video tarady. Oqiǵa Atyraýdaǵy Almagúl shaǵynaýdanynda bolǵan.
Kýágerlerdiń aitýynsha, ol esh sebepsiz balaǵa qol kóterip, keiin qashyp ketken.
Atyraý oblystyq Politsiia departamenti bul derekke qatysty qylmystyq is qozǵalǵanyn málimdedi.
"Qazir beinebaqylaý kameralarynyń jazbalary tekserilip, kýágerlerden jaýap alynyp jatyr. 9 jastaǵy jasóspirim jeńil jaraqat alǵan, oǵan psihologiialyq kómek kórsetiledi", – dedi PD ókili.
