اتىراۋدا ەر ادام 9 جاستاعى بالاعا شابۋىل جاساعان، دەپ حابارلايدى Dalanews.kz.
الەۋمەتتىك جەلىلەردە ەر ادامنىڭ ويناپ جۇرگەن بالالارعا جاقىنداپ، 9 جاستاعى بالانى ۇرعانى تۋرالى ۆيدەو تارادى. وقيعا اتىراۋداعى الماگۇل شاعىناۋدانىندا بولعان.
كۋاگەرلەردىڭ ايتۋىنشا، ول ەش سەبەپسىز بالاعا قول كوتەرىپ، كەيىن قاشىپ كەتكەن.
اتىراۋ وبلىستىق پوليسيا دەپارتامەنتى بۇل دەرەككە قاتىستى قىلمىستىق ءىس قوزعالعانىن مالىمدەدى.
"ءقازىر بەينەباقىلاۋ كامەرالارىنىڭ جازبالارى تەكسەرىلىپ، كۋاگەرلەردەن جاۋاپ الىنىپ جاتىر. 9 جاستاعى ءجاسوسپىرىم جەڭىل جاراقات العان، وعان پسيحولوگيالىق كومەك كورسەتىلەدى"، – دەدى پد وكىلى.
