Atyraýda AiRom Arena sport kesheniniń aýmaǵynda 13 jastaǵy jasóspirim qaıtys boldy, dep habarlaıdy Dalanews.kz.
Oblystyq densaýlyq saqtaý basqarmasynyń málimetinshe, bala jedel járdem jetkenge deıin kóz jumǵan. Sport kesheniniń medbıkesi oǵan júrek-ókpe reanımasıasyn jasaǵanymen, «103» brıgadasy kelgen sátte jasóspirimniń ómirin saqtap qalý múmkin bolmaǵan.
Qaıǵyly oqıǵa 8 qańtar kúni basketbol alańyndaǵy jattyǵý kezinde bolǵan. Basylym dereginshe, jasóspirimde júrek jetkiliksizdigi bolǵan, alaıda ol dıspanserlik esepte turmaǵan.
