Atyraý qalasynda 7 jasar balaǵa eskertkish qulap ketken. Oqiǵa saldarynan bala aýrýhanada kóz jumdy, - dep habarlaidy Dalanews.kz.
Qalalyq politsiia basqarmasy málimetinshe, bul jaǵdai 26 maýsymda saǵat 00:40 shamasynda Atyraý qalasyndaǵy Jeńis saiabaǵynda bolǵan.
"2017 jyly týǵan qyzǵa eskertkish qulap ketken. Dene jaraqattary saldarynan qyz oblystyq balalar aýrýhanasynda qaitys boldy", - dedi quqyq qorǵaý organdary.
Qazir bul derek boiynsha tergeý júrgizilip jatyr. Sot-meditsinalyq saraptama taǵaiyndaldy.
Jergilikti atpress.kz basylymy qala ákiminiń pikirin jariialady.
"Estelik alleiasynda" batyrlar músini kásipkerler men demeýshiler qarjysyna ornatylǵan edi. Oral qalasynda jasalǵan. Memleket eshqandai qarajat jumsamady. Men de tájiribeli qurylysshy bolǵandyqtan, mundai salmaqty músinniń qalai qulap ketkeni ózime de jumbaq bolyp otyr. Ol jeldiń áserinen qulady dep oilamaimyn. Anyq-qanyǵyn tekserip jatyrmyz" - deidi Shákir Keikin.
