Atyraýda 19 jastaǵy qyzǵa jasalǵan qatygez shabýylǵa baılanysty qylmystyq is tergelip jatyr, dep habarlaıdy Dalanews.kz.
Oqıǵa 8 naýryz kúni tańerteń bolǵan. 21 jastaǵy Álisher esimdi turǵyn birneshe saǵat boıy qyzdy uryp-soǵyp, pyshaq jaraqatyn salǵan jáne qorlaǵan. Ol bul áreketterin vıdeoǵa túsirip, Telegram-arnasyna jarıalap otyrǵan.
Kúdiktiniń aıtýynsha, ol dosynyń ózine qol jumsaýynan keıin aýyr psıhologıalyq kúıde bolǵan.
Polısıa kúdiktini ustap, qyzdy kóptegen jaraqatpen aýrýhanaǵa jetkizgen. Dárigerler onyń denesi men aıaqtarynda birneshe jaraqat bar ekenin aıtyp, qajetti medısınalyq kómek kórsetken.
Atalǵan derek boıynsha «Azaptaý» jáne «Jeke ómirge qol suqpaý quqyǵyn buzý» baptary boıynsha qylmystyq is qozǵaldy.
