Atyraý oblysynda 2020-2024 jyldar aralyǵynda 794 jasóspirim qyz júkti bolyp qalǵan, dep habarlaıdy Dalanews.kz Azattyq Rýhy-na siltep.
Redaksıa saýalyna bergen jaýabynda Atyraý oblysynyń densaýlyq saqtaý basqarmasy sońǵy bes jyldaǵy 15-17 jas aralyǵyndaǵy kámeletke tolmaǵandar arasyndaǵy júktiliktiń tirkelgen jaǵdaılary boıynsha málimetter usyndy:
- 2020 jyly – 193;
- 2021 jyly – 194;
- 2022 jyly – 170;
- 2023 jyly – 110;
- 2024 jyly – 127.
Olardyń arasynda bosanǵandar: 2020 jyly – 97, 2021 jyly – 105, 2022 jyly – 84, 2023 jyly – 63, 2024 jyly – 70. Onyń ishinde júktilik toqtatyldy: 2020 jyly – 8, 2021 jyly – 13, 2022 – 11, 2023 jyly – 5, 2024 jyly – 8, - dep habarlady oblystyq densaýlyq saqtaý basqarmasynan.
Iaǵnı, sońǵy bes jylda 419 kámeletke tolmaǵan jasóspirim ana atansa, 45-i osy kezeńde júktiligin toqtatqan.
Vedomstvo usynǵan statısıkalyq málimetterge sáıkes, kámeletke tolmaǵandar arasyndaǵy júkti bolý faktileri kóbinese Jylyoı aýdany men Atyraý qalasynda 17 jasta tirkeledi.
