Atyraý oblysynda maldy basqa óńirlerden ákelýge nemese áketýge ýaqytsha shekteý qoiyldy, dep habarlaidy Dalanews.kz.
Shekteý myńdaǵan iri qaradan virýs anyqtalǵannan keiin engizildi.
Alǵashqy jaǵdailar ótken jyldyń sońynda Isatai jáne Qurmanǵazy aýdandarynda tirkelgen edi. "KTK" telearnasy málimetinshe, janýarlarda silekei aǵý, jara jáne aýyz qýysynyń zaqymdanýy baiqalǵan. Zerthanalyq tekseris nátijesinde shamamen 6 myń siyr juqtyrǵany anyqtalyp, 6 mal ólgen.
Mamandardyń aitýynsha, malǵa infektsiialyq rinotraheit diagnozy qoiylǵan. Qazir maldyń 80 paiyzdan astamy egilgen, kópshiligi saýyǵyp keledi. Áli de shamamen 500 siyr em qabyldap jatyr.
Indettiń taralý sebebi naqty aitylǵan joq. Boljam boiynsha infektsiia las sý arqyly nemese maldy tasymaldaý kezinde juqqan bolýy múmkin. Oblys ishinde mal qozǵalysyna ruqsat bar, alaida basqa óńirlerge ákelý men áketýge ýaqytsha tyiym salynǵan.
