اتىراۋ وبلىسىندا مالدى باسقا ٶڭٸرلەردەن ەكەلۋگە نەمەسە ەكەتۋگە ۋاقىتشا شەكتەۋ قويىلدى, دەپ حابارلايدى Dalanews.kz.
شەكتەۋ مىڭداعان ٸرٸ قارادان ۆيرۋس انىقتالعاننان كەيٸن ەنگٸزٸلدٸ.
العاشقى جاعدايلار ٶتكەن جىلدىڭ سوڭىندا يساتاي جەنە قۇرمانعازى اۋداندارىندا تٸركەلگەن ەدٸ. "كتك" تەلەارناسى مەلٸمەتٸنشە, جانۋارلاردا سٸلەكەي اعۋ, جارا جەنە اۋىز قۋىسىنىڭ زاقىمدانۋى بايقالعان. زەرتحانالىق تەكسەرٸس نەتيجەسٸندە شامامەن 6 مىڭ سيىر جۇقتىرعانى انىقتالىپ, 6 مال ٶلگەن.
مامانداردىڭ ايتۋىنشا, مالعا ينفەكتسييالىق رينوتراحەيت دياگنوزى قويىلعان. قازٸر مالدىڭ 80 پايىزدان استامى ەگٸلگەن, كٶپشٸلٸگٸ ساۋىعىپ كەلەدٸ. ەلٸ دە شامامەن 500 سيىر ەم قابىلداپ جاتىر.
ٸندەتتٸڭ تارالۋ سەبەبٸ ناقتى ايتىلعان جوق. بولجام بويىنشا ينفەكتسييا لاس سۋ ارقىلى نەمەسە مالدى تاسىمالداۋ كەزٸندە جۇققان بولۋى مٷمكٸن. وبلىس ٸشٸندە مال قوزعالىسىنا رۇقسات بار, الايدا باسقا ٶڭٸرلەرگە ەكەلۋ مەن ەكەتۋگە ۋاقىتشا تىيىم سالىنعان.
