Prezident Almazbek Atambaev 3 naýryzda Reseige resmi sapary barysynda eldegi jetekshi aqparat quraldarynyń basshylarymen kezdesý ótkizdi.
Kezdesýde Atambaev Qyrǵyzstannyń damýynyń basty baǵyttary jáne qyrǵyz-resei áriptestiginiń negizgi tarmaqtary týraly suraqtarǵa jaýap berdi. Kezdesý «Interfaks» Agenttiginiń bastamasymen uiymdastyrylǵan.
Atambaev Reseide 2 naýryzdan beri júr. Munyń aldynda qyrǵyz prezidenti reseilik áriptesi Vladimir Pýtinmen kezdesti. Taraptar birlesken jobalardyń júzege asýy, túrli salada birge áreket etýdiń bolashaǵy men eýraziialyq integratsiiany damytý máselelerin talqylady.
