Mınıstrdiń aıtýynsha, aldaǵy oqý jylynan bastap ár óńirdiń oqý-aǵartý basqarmalary birińǵaı mektep formasyn tańdap, bektetin bolady.
Buǵan deıin oqýshylardyń qandaı mektep formasyn kıetinin mektep ujymy aıqyndap kelgen edi.
Endi bul úrdis joıylyp, birińǵaı mektep formasyn jergilikti oqý-aǵartý basqarmalary anyqtap, ortaq standart qalyptastyrmaqshy.
– Buǵan deıin oqýshylardyń mektep formasynyń túsi men fasonyn bilim berý mekemeleri anyqtap, ony qamqorshylyq keńesimen bekitýshi edi. Búginde elimizde 7,5 myńnan astam mektep bar ekenin eskersek, soǵan saı mektep formalarynyń túri myńǵa deıin jetkenin bilemiz. Bul ata-analar úshin tıimsiz. Balalar bir mektep kelesi mektepke aýysqanda mektep formasyn aýystyrýyna týra kelýshi edi. Jańa tártip buǵan núkte qoıady, – dep Ashat Aımaǵambetov oıyn ortaǵa saldy.
Jańa tártip boıynsha aldaǵy ýaqytta elimizde mektep formalarynyń 20 shaqty túri bolýy múmkin.
