مينيستردٸڭ ايتۋىنشا, الداعى وقۋ جىلىنان باستاپ ەر ٶڭٸردٸڭ وقۋ-اعارتۋ باسقارمالارى بٸرٸڭعاي مەكتەپ فورماسىن تاڭداپ, بەكتەتٸن بولادى.
بۇعان دەيٸن وقۋشىلاردىڭ قانداي مەكتەپ فورماسىن كيەتٸنٸن مەكتەپ ۇجىمى ايقىنداپ كەلگەن ەدٸ.
ەندٸ بۇل ٷردٸس جويىلىپ, بٸرٸڭعاي مەكتەپ فورماسىن جەرگٸلٸكتٸ وقۋ-اعارتۋ باسقارمالارى انىقتاپ, ورتاق ستاندارت قالىپتاستىرماقشى.
– بۇعان دەيٸن وقۋشىلاردىڭ مەكتەپ فورماسىنىڭ تٷسٸ مەن فاسونىن بٸلٸم بەرۋ مەكەمەلەرٸ انىقتاپ, ونى قامقورشىلىق كەڭەسٸمەن بەكٸتۋشٸ ەدٸ. بٷگٸندە ەلٸمٸزدە 7,5 مىڭنان استام مەكتەپ بار ەكەنٸن ەسكەرسەك, سوعان ساي مەكتەپ فورمالارىنىڭ تٷرٸ مىڭعا دەيٸن جەتكەنٸن بٸلەمٸز. بۇل اتا-انالار ٷشٸن تيٸمسٸز. بالالار بٸر مەكتەپ كەلەسٸ مەكتەپكە اۋىسقاندا مەكتەپ فورماسىن اۋىستىرۋىنا تۋرا كەلۋشٸ ەدٸ. جاڭا تەرتٸپ بۇعان نٷكتە قويادى, – دەپ اسحات ايماعامبەتوۆ ويىن ورتاعا سالدى.
جاڭا تەرتٸپ بويىنشا الداعى ۋاقىتتا ەلٸمٸزدە مەكتەپ فورمالارىنىڭ 20 شاقتى تٷرٸ بولۋى مٷمكٸن.
