Almaty oblysynda iri turǵyn úi keshenderiniń birinde órt shyqty. Oqiǵa "Asyl Arman" turǵyn úi kesheninde bolǵan, dep habarlaidy dalanews.kz.
Tótenshe jaǵdai Irgeli aýylynda tirkelgen. Órt jetinshi qabattaǵy balkonnan bastalyp, toǵyzynshy qabatqa deiin taraǵan. Sondai-aq, jalyn jetinshi jáne segizinshi qabattaǵy páterlerdi de sharpyǵan.
TJM málimetinshe, alǵashqy órt sóndirý bólimsheleri jetken kezde jetinshi jáne segizinshi qabattardaǵy balkondar janyp jatqan. Órttiń taralý qaýpi joǵary bolǵan.
Qutqarýshylar kelgenge deiin turǵyndar óz betimen evakýatsiialanǵan. Jalpy 50 adam, sonyń ishinde 15 bala qaýipsiz jerge shyǵarylǵan.
Órtsóndirýshiler jalyn ári qarai taralýyna jol bermei, órtti az ýaqytta aýyzdyqtaǵan. Zardap shekkender joq.
