«QazMunaıGaz» UK AQ Basqarma tóraǵasy Ashat Hasenov CNPC Dırektorlar keńesiniń tóraǵasy Daı Hoýlánmen kelissóz júrgizdi, - dep habarlaıdy Dalanews.kz kmgpress-ke siltep.

Taraptar Mańǵystaý jáne Qyzylorda oblystaryndaǵy birlesken óndirý aktıvteriniń qyzmetin, geologıalyq barlaý salasynda yntymaqtastyq perspektıvalaryn jáne gazdy óndiriste odan ári qoldaný múmkindikterin talqylady.

Qazaqstanda gaz jobalaryn iske qosýdyń mańyzyn nazarǵa ala otyryp, taraptar Ortalyq Óriktaý ken ornynda óndirilgen kómirsýtek shıkizatyn Jańajol munaı-gaz óńdeý kesheninde óńdeý múmkindikterin zerttep jatyr.

Sonymen qatar, kelissóz qatysýshylary jyl saıyn munaı jáne gaz ken oryndaryn barlaý jáne ıgerý tehnologıalaryn almasý boıynsha ótetin Qazaqstan-Qytaı tehnıkalyq semınarlarynyń qyzmeti týraly oń pikir bildirdi. Bıylǵy semınar Qyzylorda qalasynda ótetin bolady.