«قازمۇنايگاز» ۇك اق باسقارما ءتوراعاسى اسحات حاسەنوۆ CNPC ديرەكتورلار كەڭەسىنىڭ ءتوراعاسى داي حوۋليانمەن كەلىسسوز جۇرگىزدى، - دەپ حابارلايدى Dalanews.kz kmgpress-كە سىلتەپ.
تاراپتار ماڭعىستاۋ جانە قىزىلوردا وبلىستارىنداعى بىرلەسكەن ءوندىرۋ اكتيۆتەرىنىڭ قىزمەتىن، گەولوگيالىق بارلاۋ سالاسىندا ىنتىماقتاستىق پەرسپەكتيۆالارىن جانە گازدى وندىرىستە ودان ءارى قولدانۋ مۇمكىندىكتەرىن تالقىلادى.
قازاقستاندا گاز جوبالارىن ىسكە قوسۋدىڭ ماڭىزىن نازارعا الا وتىرىپ، تاراپتار ورتالىق ورىكتاۋ كەن ورنىندا وندىرىلگەن كومىرسۋتەك شيكىزاتىن جاڭاجول مۇناي-گاز وڭدەۋ كەشەنىندە وڭدەۋ مۇمكىندىكتەرىن زەرتتەپ جاتىر.
سونىمەن قاتار، كەلىسسوز قاتىسۋشىلارى جىل سايىن مۇناي جانە گاز كەن ورىندارىن بارلاۋ جانە يگەرۋ تەحنولوگيالارىن الماسۋ بويىنشا وتەتىن قازاقستان-قىتاي تەحنيكالىق سەمينارلارىنىڭ قىزمەتى تۋرالى وڭ پىكىر ءبىلدىردى. بيىلعى سەمينار قىزىلوردا قالاسىندا وتەتىن بولادى.
