Mańǵystaý oblysyndaǵy "Dolinnoe" ken ornynda tazartylmaǵan aǵyn sýdy jerge tókken "Emir Oil" JShS-ne 5,2 mln teńge aiyppul salyndy. Bul týraly ekolog ári qoǵam belsendisi Abzal Ospanov málimdedi, dep habarlaidy dalanews.kz.
Onyń sózinshe, ken ornynda suiyq qaldyqtardy jinaityn arnaiy rezervýar bolmaǵan. Sonyń saldarynan lastanǵan sý topyraqqa sińip ketken.
""Emir Oil" JShS "Dolinnoe" ken ornynda tazartylmaǵan aǵyn sýdy jerge tókken. Suiyqtyqty jinaýǵa arnalǵan arnaiy ydys bolmaǵandyqtan, sý topyraqqa sińip ketken", – dep jazdy Abzal Ospanov.
Kompaniiaǵa ekologiialyq talaptardy buzǵany úshin 5,2 mln teńge aiyppul salynǵan. Alaida kásiporyn ony jeti kún ishinde tólep, zańda qarastyrylǵan 50 paiyzdyq jeńildikti paidalanǵan. Nátijesinde kompaniia biýdjetke 2 mln 595 myń teńge aýdarǵan.
"Jerdi lastaýdyń quny – 2 mln 595 myń teńge. Al endi búlingen topyraqty kim jáne qalai qalpyna keltiredi?" – dedi qoǵam belsendisi.
Ázirge kompaniianyń lastanǵan aýmaqty tazartý jáne qorshaǵan ortaǵa keltirilgen zalaldy joiý baǵytynda qandai shara qabyldaityny belgisiz.
