Ashat Oralov Maǵjan Jumabaev atyndaǵy aýdannyń Polýdinskoe aýylyndaǵy sút-taýar fermasynyń alańynda oblystaǵy aýyl sharýashylyǵy taýar óndirýshilerimen kezdesip, aldaǵy konstitýtsiialyq reformanyń mańyzyn talqylady.
«Konstitýtsiialyq reforma – «Jańa Qazaqstandy» qurýdyń naqty mehanizmi. Ata Zańymyzda jer halyqtyń menshigi dep kórsetiledi. Bul – óte mańyzdy qadam. Soltústik Qazaqstan oblysynda halyqtyń basym bóligi aýyl sharýashylyǵymen ainalysady. Sondyqtan 5 maýsym kúni ótetin referendýmǵa oblys turǵyndary belsene qatysady degen oidamyz», dedi «AMANAT» partiiasynyń Atqarýshy hatshysy.
Óz kezeginde, osyndaǵy sharýa qojalyqtary biriniń basshysy Altynbek Saparov turǵyndar el damýyndaǵy jańa kezeńdi referendýmmen bailanystyratynyn atap ótti.
«Halyq bolyp jatqan ózgeristerdi kórip otyr jáne Táýelsizdigimizdi odan ári nyǵaityp, elimizdi damytý úshin Konstitýtsiiaǵa qajetti ózgerister engizýdi qoldaýǵa daiyn», dedi Altynbek Saparov.
Budan soń Atqarýshy hatshy óńirdiń ziialy qaýym ókilderimen jáne partiia ardagerlerimen júzdesti. Kezdesýge qatysýshylar Ata Zańǵa túzetýler engizýge qatysty jalpyhalyqtyq daýys berý «Jańa Qazaqstandy» qurýda negizgi ról atqaratynyn atap ótti.
Sonymen qatar, Ashat Oralov bastaýysh partiia uiymdarynyń tóraǵalarymen de kezdesti. Ol partiianyń qozǵaýshy kúshi – BPU-nyń bazasynda jalpyulttyq referendýmnyń máni týraly túsindirý jumystary belsendi júrgizilýge tiis ekenin atap ótti.
Osy kúni óńirdiń partiia aktivimen kezdesý ótti. Búgingi tańda oblysta quramyna 28 myńnan astam partiia múshesi kiretin 246 BPU bar.
