Kezdesý barysynda almatylyq kásipkerler Ashat Oralovqa nysandardy qalpyna keltirý jaǵdaiy jáne qazirgi tańda oryn alyp otyrǵan túiindi máseleler týraly aitty.
– Partiia Tóraǵasy, Prezident Qasym-Jomart Toqaevtyń tapsyrmasy boiynsha nysandardy qalpyna keltirý jáne zardap shekken kásipkerlerge keltirilgen zalaldy óteý boiynsha sharalar qabyldanýda. Jergilikti biliktiń málimeti boiynsha, Almatyda 1000-nan astam kásipker 3,7 mlrd teńge somasynda tólem aldy. Olardyń ishinde saýda, qoǵamdyq tamaqtaný, logistika, BAQ jáne basqa da salalardyń sýbektileri bar. 10 naýryzǵa deiin taǵy 200-den astam ótinishti qaraý josparlanýda, osylaisha ótinishterdiń 90% qanaǵattandyrylady, – dedi Ashat Oralov kezdesýdiń qorytyndysynda.
Onyń aitýynsha, qazirgi tańda elimizde halyqtyń 40%-ǵa jýyǵyna jumys berip otyrǵan 1,4 millionnan astam kásipker bar. Almaty qalasynyń ózinde 200 myńnan astam ShOB sýbektisi jumys isteidi. Sondyqtan kásipkerlikti damytý men qoldaý máseleleri árqashan «AMANAT» partiiasynyń basymdyǵy bolyp qala beredi.
Osy kúni Ashat Oralov partiia jastar qanatynyń belsendilerimen de kezdesti.
– Partiiany transformatsiialaý júrip jatqan kezeńinde «Jas Otan» jergilikti jerlerdegi jastardyń problemalaryn sheshýge baǵytalǵan jumysty burynǵydan da kúsheitip, ony kún tártibinen túsirmeýi tiis. Qazirgi ýaqytta partiia jastardyń, onyń ishinde NEET sanatyndaǵy jas býynnyń túiindi máselelerin anyqtaý boiynsha keshendi taldaý júrgizýde. Osy jumystyń qorytyndysy boiynsha jańa jastar baǵdarlamasy ázirlenip, ol «Jas Otan» forýmynda qabyldanady, – dep túiindedi Ashat Oralov.
