Astana turǵyny Anel Igembaeva týberkýlezdiń ashyq túrimen aýyrǵan medbikemen bailanysta bolǵannan keiin ózi men balasyna alty ailyq profilaktikalyq em taǵaiyndalǵanyn aitty, dep habarlaidy dalanews.kz Qumash.kz-ke siltep.
Onyń sózinshe, bir jasar uly 2026 jyly aqpannyń aiaǵynda №1 qalalyq balalar aýrýhanasynda pnevmoniiadan em alǵan. Emnen keiin otbasy eki aiǵa Kókshetaýǵa ketken. Astanaǵa oralǵan soń ǵana dárigerler olar týberkýlezge shaldyqqan medbikemen bailanysta bolǵandar tizimine engizilgenin habarlaǵan.
"Biz aýrýhanada aqpannyń sońynda jattyq. Al bul jaǵdai týraly tek maýsymda bildik. Erterek habarlasqanda, tekseristen de erterek óter edik", - deidi Anel Igembaeva.
Tekseris kezinde balaǵa jasalǵan Diaskintest teris nátije kórsetken. Al áieldiń synamasy oń bolyp shyqqan. Osydan keiin oǵan qosymsha tekseristen ótýge týra kelgen.
Aneldiń aitýynsha, aldymen kompiýterlik tomografiiany aqyly túrde jasaýdy usynǵan. Alaida ol buǵan kelispegen. Keiin emhana basshylyǵyna júgingen soń tegin joldama alǵan.
Tekseristen keiin anasy men balasyna alty ailyq profilaktikalyq týberkýlezge qarsy em taǵaiyndalǵan.
Áieldiń aitýynsha, eń aýyr sátterdiń biri - emizýdi birden toqtatýǵa májbúr bolýy. Ol dárigerler bul týraly aldyn ala eskertpegenin aitty.
"Balama bul úlken kúizelis boldy. Mende de aýyr laktostaz paida boldy. Mammologqa qaralyp, em qabyldadym", - deidi ol.
Anel taǵaiyndalǵan dárilerdiń janama áseri baryn da aitty. Onyń sózinshe, dári ishkennen keiin denesi qyzyp, asqazany aýyrady, zárdiń túsi ózgergen, etekkir tsikli buzylǵan. Sondai-aq, kún saiyn dárini qabyldaǵanyn videoǵa túsirip jiberýge mindettelgenin jetkizdi.
Ol mundai jaǵdaiǵa tap bolǵan adamdarǵa memleket tegin tekseris pen em uiymdastyrýy kerek dep esepteidi. Sondai-aq, bul iske qatysty resmi aryz jazǵanyn jáne qazir jaýap kútip otyrǵanyn aitty.
Anel Igembaevanyń pikirinshe, sol kezeńde aýrýhanada jatqan basqa balalar men olardyń ata-analary da tolyq tekserilip, kómek alýǵa tiis.
