Almatydan Astanaǵa baǵyt alǵan Air Astana áýe kompaniiasynyń ushaǵy bastapqy áýejaiyna qaita oraldy. Bul týraly kompaniianyń baspasóz qyzmeti habarlady.
Áýe kemesin aldymen elordaǵa, keiin Qaraǵandyǵa qondyrýǵa áreket jasalǵan. Alaida Astana men Qaraǵandydaǵy qolaisyz aýa raiyna bailanysty ushaq qona almaǵan.
Osydan keiin áýe kemesi májbúrli túrde Almatyǵa qaitqan. Jolaýshylardyń aitýynsha, olar ushaq ishinde úsh saǵattan astam ýaqyt bolǵan.
Qazir reis qaita ushýǵa daiyndalyp jatyr.
"Astana men Qaraǵandydaǵy qolaisyz aýa raiy jaǵdailaryna bailanysty ushaq Almatyǵa keri qaitty. Qazirgi ýaqytta reis Astanaǵa qaita ushýǵa daiyndalyp jatyr", – delingen kompaniia habarlamasynda.
