Astanadan Stambýlǵa baǵyt alǵan TK8805 reisiniń jolaýshylary ushaqtyń májbúrli túrde Aqtaý qalasyna qonǵanyna shaǵymdandy. Olardyń aitýynsha, áýe kemesi borttaǵy dárethanalardyń isten shyǵýyna bailanysty Aqtaýǵa burylǵan, dep habarlaidy Dalanews.kz.
Atalǵan reis Air Astana áýe kompaniiasy tarapynan Turkish Airlines-pen birlesip oryndalǵan. Jolaýshylar bul jaǵdai týraly áleýmettik jeliler men messendjerler arqyly habarlaǵan.
Aita keteiik, buǵan deiin de osyndai jaǵdailar tirkelgen. Buryn Air Astana áýe kompaniiasynyń Seýlden Astanaǵa bet alǵan ushaǵy Pekin qalasyna dárethanalardyń bitelýine bailanysty qonýǵa májbúr bolǵan. Sondai-aq, jyl sońynda Fýkýokadan Almatyǵa ushqan áýe kemesi de dál osy sebeppen mejeli jerine ýaqytynda jete almaǵan edi.
Áýe kompaniialary tarapynan ázirge bul oqiǵaǵa qatysty resmi túsinikteme berilgen joq.
