Astanadaǵy LRT stantsiialarynyń birinde tóbeden sý aqqan sát túsirilgen video áleýmettik jelilerde tarady, dep habarlaidy dalanews.kz.
Kadrlardan jańbyrdan keiin jaryq shamy ornatylǵan tóbedegi sańylaýdan sý aǵyp jatqanyn kórýge bolady.
Oqiǵaǵa qatysty City Transportation Systems (CTS) kompaniiasy túsinikteme berip, jaǵdai injenerlik júielerdi iske qosý jáne retteý jumystaryna bailanysty bolǵanyn málimdedi.
Kompaniianyń baspasóz hatshysy Oksana Aýbakirovanyń aitýynsha, qazirgi ýaqytta órtke qarsy qorǵanys júieleriniń jabdyqtary tekserilip, baptalýda.
«Bul jumystar aiasynda órt sóndirý júielerine qyzmet kórsetýge arnalǵan tehnologiialyq liýkter ashylady. Sonyń saldarynan keibir jaǵdaida ylǵaldyń ishke ótýi múmkin», – dedi CTS ókili.
Qazir mamandar anyqtalǵan máselelerdi joiyp, qajetti jerlerdi germetizatsiialaý jumystaryn júrgizip jatyr.
Sonymen qatar, Tarlan Astana poiyzdary qalypty rejimde jumysyn jalǵastyryp jatqanyn habarlady.
