Astana qalasy politsiia departamenti Kóshi-qon qyzmeti basqarmasy basshysynyń orynbasary Áliia Maqaeva zańsyz kóshi-qondy uiymdastyrý isi boiynsha ustaldy. Bul týraly jýrnalist Mihail Kozachkovtyń Telegram-arnasyna silteme jasap birqatar BAQ habarlady, dep habarlaidy dalanews.kz.
Málimetke sáikes, politsiia polkovnigi uiymdasqan qylmystyq toptyń qyzmetine qatysty tergelip jatyr. Tergeý nusqasy boiynsha, atalǵan toptyń quramynda túrli memlekettik organdardyń ókilderi bolǵan.
Derekkózdiń málimetinshe, kúdiktiler shetel azamattaryna Qazaqstanda turýǵa yqtiiarhattardy zańsyz rásimdeýmen ainalysqan bolýy múmkin.
Is boiynsha tergeýdi Ishki ister ministrliginiń Ózindik qaýipsizdik departamenti men Ulttyq qaýipsizdik komiteti júrgizip jatyr.
Ázirge quqyq qorǵaý organdary bul aqparatqa qatysty resmi túsinikteme bergen joq. Kúdiktilerdiń kinási sotta dáleldengenge deiin olar kinásiz dep esepteledi.
