Astana qalasy boiynsha Saýda jáne tutynýshylardyń quqyqtaryn qorǵaý departamenti elordadaǵy birqatar saýda bazarlarynda júrgizilgen jospardan tys tekserýlerdi aiaqtady. Tekseris Uljan», «Altai», «Saryarqa», «Alash» jáne «Sharyn» bazarlaryn qamtydy, dep habarlaidy dalanews.kz.
Tekserý nátijesinde Qazaqstan Respýblikasynyń «Saýda qyzmetin retteý týraly» Zańynyń, Ishki saýda qaǵidalarynyń jáne ulttyq standarttardyń talaptary saqtalmaǵany anyqtaldy. Anyqtalǵan zań buzýshylyqtar boiynsha bazar ielerine eskertý berilip, olardy joiý jóninde oryndaýǵa mindetti nusqamalar tabystaldy. Belgilengen merzim aiaqtalǵannan keiin Departament nusqamalardyń oryndalýyna baqylaý júrgizedi. Onyń qorytyndysy boiynsha qoldanystaǵy zańnamaǵa sáikes tiisti protsestik sharalar qabyldanady.
Bul tekserýler saýda bazarlaryn jańǵyrtýǵa memleket belgilegen ótpeli kezeńniń aiaqtalýyna bailanysty júrgizildi. Jańa talaptar kúshine engenge deiin bazar ielerine saýda nysandaryn zańnama talaptaryna sáikestendirý úshin birneshe jyl ýaqyt berilgen bolatyn.
«Jalǵa berýshi de, satýshy da eń aldymen satyp alýshy úshin jumys isteitinin umytpaýymyz kerek. Sondyqtan tutynýshynyń jailylyǵy týraly qazirden bastap baiyppen oilanatyn ýaqyt keldi. Tutynýshyǵa qolaily ári jaily jaǵdai jasalǵan saiyn, bazarlardaǵy saýda-sattyqtyń da qarqyny arta túsedi», – dedi Astana qalasy boiynsha Saýda jáne tutynýshylardyń quqyqtaryn qorǵaý departamentiniń basshysy Erkebulan Taǵashev.
2026 jyldyń qańtarynan bastap Qazaqstan Respýblikasynyń «Saýda qyzmetin retteý týraly» Zańynyń 10-babynyń 2-2-tarmaǵynyń talaptary tolyq kólemde qoldanysqa engizildi. Zańǵa sáikes, elordada, respýblikalyq jáne oblystyq mańyzy bar, sondai-aq halqy 100 myńnan asatyn qalalardaǵy ámbebap saýda bazarlary statsionarlyq saýda obektilerinde jumys isteýge tiis. Ashyq úlgidegi beistatsionarlyq konstrýktsiialardy saýdanyń negizgi formaty retinde paidalaný endi zań talaptaryna sáikes kelmeidi.
2025 jylǵy 31 jeltoqsanǵa deiin bazar ielerine saýda nysandaryn jańǵyrtý jáne qaita jaraqtandyrý jumystaryn aiaqtaýǵa múmkindik berildi. Osy jumystardy úilestirý maqsatynda saýda bazarlaryn jańǵyrtý jónindegi jol kartasy bekitildi. Astana qalasy boiynsha bul jol kartasyna «Uljan», «Altai», «Shanhai (Kók bazar)», «Saryarqa», «Ortalyq bazar», «Alash» jáne «Sharyn» bazarlary engizildi.
