Baspana men jyljymaityn múlik saýdalanatyn eń iri krisha.kz saitynda Astanadaǵy “Han Shatyr” ǵimaratynyń satylatyny jóninde jarnama paida boldy, dep habarlaidy Dalanews.kz
Satýshy osy ǵimarattyń iesi retinde jarnama jariialaǵan.
“Nura aýdanynda ornalasqan, jeke turǵan, erkin maqsattaǵy ǵimarat satylady. Ǵimarattyń jalpy aýdany – 15 800 m², onyń ishinde parking – 800 m². Sonymen qatar ashyq avtoturaq bar, ǵimarattyń perimetri boiynsha qorshaý ornatýǵa múmkindik qarastyrylǵan. Barlyq suraqtar kezdesýde talqylanady. Qońyraýǵa jaýap bermesem, habarlama jazyńyz. Rieltorlarmen jumys istemeimin!” – delingen jarnamada.
Han Shatyr – shatyry bar álemdegi eń úlken ǵimarattardyń biri sanalady. Forbes Style jýrnalynyń nusqasy boiynsha álemniń úzdik ekologiialyq ǵimarattarynyń ondyǵyna engen, sondai-aq Guinness World Records kitabyna tirkelgen.
Ǵimaratty ataqty sáýletshi Norman Fosterdiń arhitektýralyq biýrosy jobalaǵan. Qurylystyń pishini alyp shatyrdy eske salady, biiktigi – 150 metr (shpilimen qosa). Nysan bolat trostardan quralǵan keń aýqymdy tor júiesi arqyly turǵyzylǵan, onyń ústine ishki keńistikti temperatýranyń kúrt aýytqýlarynan qorǵaityn ári jaily mikroklimat qalyptastyratyn móldir polimer jabyny bekitilgen.
Oiyn-saýyq ortalyǵy 2010 jyly ashylǵan.
