Búgin Májiliste "Keibir zańnamalyq aktilerge astanany jáne respýblikalyq mańyzy bar qalalardy damytý máseleleri boiynsha ózgerister men tolyqtyrýlar engizý týraly" zań jobasy talqylandy. Ulttyq ekonomika ministri Serik Jumanǵarin baiandama jasap, qaladaǵy kólik keptelisin sheshýdiń balamaly joldaryn usyndy, dep habarlaidy Dalanews.kz.
Májilis depýtattary ministrden jol qozǵalysyn retteý jáne keptelisti azaitý úshin kóshelerdi keńeitý múmkindigi jaiynda surady. Jumanǵarinniń pikirinshe, joldardy keńeitý máseleni sheshpeidi, kerisinshe, kólikter sanyn arttyrýy múmkin.
"Álemdik tájiribe kórsetkendei, joldy keńeitken saiyn kólik sany kóbeie beredi. Sol sebepti damyǵan elderde kerisinshe, kóshelerdi taryltyp, adamdardy qoǵamdyq kólikke kóbirek minýge yntalandyrý taktikasy qoldanylady. Qala ortalyqtarynda ‘kiss and bay’ kontseptsiiasy bar. Iaǵni, bireýdi jetkizip salǵyń kelse, turaq tabý qiyn, aqyly turaqtar bolsa – baǵasy óte joǵary. Sondyqtan kólikti toqtatpai, jolaýshyny túsirip, ári qarai qozǵalysty jalǵastyrasyń. Bizge de osy baǵytta oilaný kerek. Joldardy keńeite bergenshe, qoǵamdyq kólik júiesin jetildirý mańyzdy", – dedi ministr.
Osylaisha, Jumanǵarin kólik infraqurylymyn damytýdyń basty baǵyty retinde jolaýshylar tasymalyn jaqsartýdy atady.
