Astanada jeńil avtokólik kókónis dúkenine soǵylyp, saldarynan 15 jastaǵy qyz jaraqat aldy, dep habarlaidy dalanews.kz.
Astana qalalyq politsiia departamentiniń málimetinshe, jol-kólik oqiǵasy boiynsha Hyundai Accent kóligin basqarǵan 18 jastaǵy júrgizýshiniń jeke basy anyqtalǵan.
Aldyn ala málimetke sáikes, ol Bólekbaev kóshesimen kele jatyp, kólikti basqara almai qalyp, jol jiegindegi kókónis dúkenine soǵylǵan.
Oqiǵa kezinde saýda pavilonynyń ishinde bolǵan 15 jastaǵy qyz túrli jaraqat alyp, aýrýhanaǵa jetkizildi. Qazir oǵan qajetti meditsinalyq kómek kórsetilip jatyr.
Atalǵan jol-kólik oqiǵasy boiynsha tekserý júrgizilýde. Onyń qorytyndysy boiynsha protsessýaldyq sheshim qabyldanady.
