Astananyń Saraishyq aýdanynda jeńil avtokólik turǵyn úidiń birinshi qabatynda ornalasqan dúkenge soǵylyp, ishke kirip ketken, dep habarlaidy dalanews.kz.
Astana qalalyq politsiia departamentiniń málimetinshe, jol-kólik oqiǵasy búgin shamamen saǵat 18:30-da Bólekpaev kóshesinde ornalasqan "Aiala Frýkts" dúkeninde bolǵan.
Aldyn ala málimet boiynsha, Hyundai Accent avtokóligin basqarǵan 18 jastaǵy júrgizýshi rólge ie bola almai, saldarynan kólik kókónis satatyn pavilonǵa soǵylǵan.
Oqiǵa kezinde dúken ishinde bolǵan 15 jastaǵy qyz jaraqat alyp, meditsinalyq mekemege jetkizildi. Dárigerler oǵan qajetti meditsinalyq kómek kórsetip jatyr.
Atalǵan derek boiynsha politsiia tergeý amaldaryn bastady. Oqiǵanyń naqty mán-jaiy anyqtalyp jatyr.
