«Astana jastary» jastar resýrstyq ortalyǵynda 2014 jyldan bastap volonterlik qyzmetti damytý jáne ony jastar arasynda ilgeriletýmen ainalysatyn arnaiy bólim jumys istep keledi.
– Jastar qatarymyzǵa qabyldanbas buryn aldymen «Eriktiler mektebinen» ótedi. Bul balalarǵa volonterlik qyzmettiń kez kelgen túrine daiyn bolýǵa úiretedi. Baǵdarlama el tarihyn zertteý, alǵashqy kómek kórsetý, ártúrli elderdiń mentalitetin zertteý, daýly máselelerdi sheshý syndy mańyzdy máselelerdi qamtidy. Kópshilik biletindei, eriktiler pandemiia kezinde úlken jumys atqardy. Budan basqa ekologiialyq, áleýmettik baǵytta kóptegen is-sharalar uiymdastyryp keledi. Tótenshe jaǵdailar salasynda kómek kórsetip kele jatqanymyzdy maqtanyshpen aita alamyz. Sondai-aq, halyqaralyq, respýblikalyq, qalalyq kontsertter men is-sharalarǵa úzbei qatysamyz, – dedi Qairat Qambarov.
Astanadaǵy eriktiler politsiiamen, TJM jáne statistika departamentimen birlesip reidter júrgizip, qala turǵyndaryna jylý berý maýsymyndaǵy qaýipsizdik sharalary, kóktemgi sý tasqyny kezinde, shomylý maýsymy kezinde erejeler, koronavirýs infektsiiasy kezeńinde qoǵamdyq oryndarda ózin ózi qorǵaý sharalary týraly aityp berdi. Sonymen qatar habar-osharsyz ketkenderdi izdestirý boiynsha túsindirý jumysyn júrgizip, qalada tyiym salynǵan zattardy satý boiynsha habarlandyrýlardy óshirýmen de ainalysady.
– Úsh jyl qatarynan basqarma «Volonterlik bastamalardy qoldaý úshin shaǵyn granttar» jobasyn júzege asyrdy. 2022 jyly 98 qatysýshynyń ishinen 20 jeńimpaz anyqtalyp, 350 myń teńge kóleminde shaǵyn granttarǵa ie boldy.
Kóptegen taqyrypqa arnalǵan is-sharalar uiymdastyryldy. Olardyń qatarynda kýrstar, týrnirler, keramika boiynsha sheberlik synyptary, qummen sýret salý bar.
Grant alýshylar Balalar úilerin, Belsendi uzaq ómir súrý ortalyqtaryn, áleýmettik az qamtylǵan otbasylardy qamtidy. Joba biyl da iske asyrylatyn bolady. 2022 jyldyń sońynda áleýmettik jáne qoǵamdyq paidaly mindetterdi sheshýge úles qosqan eriktiler men eriktiler toptaryn, uiymdaryn yntalandyrýǵa baǵyttalǵan Volunteer fest ótti, – dedi spiker.
Jaqynda Naýryz merekesine orai bir aiǵa sozylatyn «Júrek jylýy» qaiyrymdylyq aktsiiasy ótip, is-shara aiasynda halyqtyń áleýmettik az qamtylǵan tobyna kómek kórsetilgen. Kópbalaly otbasylardyń, erekshe qajettilikteri bar adamdardyń, zeinetkerlerdiń hattarynda jazǵan ótinishteri men tilekteri oryndalady. Memleket basshysy hatty birinshi bolyp oqyp, tilegin oryndady. Bul rette Prezident osy igi isti bastaǵan jastarǵa alǵysyn bildirdi.
