Astanadaǵy "Kórkem-3" turǵyn úi keshenindegi órtten zardap shekken áieldiń jaǵdaiy aýyr, dep habarlaidy Dalanews.kz.
Astana qalasynyń Densaýlyq saqtaý basqarmasy "Kórkem-3" turǵyn úi kesheninde bolǵan órtten zardap shekken áieldiń jaǵdaiy týraly málimet berdi. 12 sáýirde bolǵan qaiǵyly oqiǵadan úsh bala qaza tapty.
Vedomstvo málimetinshe, áiel kópsalaly qalalyq №1 aýrýhanaǵa jetkizilgen. Qazir ol jansaqtaý jáne qarqyndy terapiia bóliminde jatyr. Jaǵdaiy aýyr dep baǵalanyp otyr.
Órt 12 sáýirge qaraǵan túni Astanadaǵy Túrkistan kóshesindegi 21 qabatty úidiń 15-qabatyndaǵy páterde bolǵan. Páterden úsh balanyń máiiti tabyldy. Kúiik alǵan áiel qutqarylyp, aýrýhanaǵa jetkizildi. Joǵarǵy qabattardan 20 adam evakýatsiialandy, taǵy 40-qa jýyq turǵyn óz betimen syrtqa shyqqan.
Órt deregi boiynsha sotqa deiingi tergeý bastalyp, saraptamalar taǵaiyndaldy.
