Astana qalasynyń memlekettik sanıtarlyq bas dárigeri Aıgúl Shaǵaltaeva JRVI men tumaý jaǵdaılarynyń ósýine baılanysty elordada kúsheıtilgen sanıtarlyq-epıdemıaǵa qarsy sharalardy engizý týraly qaýlyǵa qol qoıdy, dep habarlaıdy Dalanews.kz.

Sharalar mynalardy qamtıdy: emhanalar men stasıonarlardyń jumysyn kúsheıtý, naýqastardy oqshaýlaý, qabyldaý kabınetterin keńeıtý, maska rejımin saqtaý, naýqastardyń temperatýrasyn baqylaý, vırýsqa qarsy preparattardyń qoryn qamtamasyz etý.

20 qarashadan 5 jeltoqsanǵa deıin synyptyń 30 paıyzdan astamy aýyrǵan jaǵdaıda mektepterdiń qashyqtan oqytý formatyna aýystyrylýy, balalar men qyzmetkerler úshin kúndelikti «tańǵy fıltrdiń» júrgizilýi tıis. İs-sharalarǵa shekteý qoıý.

Sońǵy aptada elordada JRVI-diń 23 002 jaǵdaıy tirkeldi, al bir apta burynǵy kezeńmen (2025 jylǵy 30 qazan – 5 qarasha) salystyrǵanda kórsetkish 1,5 ese artqan. 14 jasqa deıingi balalar arasyndaǵy syrqattanýshylyq 60 paıyzdy qurady.