Astanadaǵy №23, №29 jáne №60 mektepterde inkliýziiany qoldaý kabinetteri ashyldy. Osylaisha, Astana mektepterindegi mundai keńistikterdiń jalpy sany 21-ge jetti. Nátijesinde 1054 erekshe bilim berý qajettilikteri bar oqýshy zamanaýi jaǵdailarda bilim alyp, beiimdelý múmkindigine ie boldy,- dep habarlaidy Dalanews.kz.
Inkliýzivti kabinetter quramyna logoped, defektolog jáne psiholog bólmeleri, qysh sheberhanasy men emdik dene shynyqtyrý kabineti kiredi. Bul arnaiy aimaqtar balalardyń qajetti daǵdylaryn damytýǵa, sondai-aq mektep ortasynda qurdastarymen birge áleýmettenýine yqpal etedi. Mundai format dástúrli bilim berý men túzetý sabaqtaryn biriktirip, oqytýdy qoljetimdi ári jaily etedi.
Aita keterligi, inkliýziia kabinetterinde erekshe balalardyń qabiletine qarai erte kásiptik mamandyqtarǵa beiimdeý jobalary da engizilip jatyr. Bul bastama olardyń bolashaqta eńbek naryǵyna daiyndalýyna, áleýetin tolyq ashýyna jol ashady. Joba tujyrymdamasy «Samruk-Kazyna Trust» korporativtik qorynyń qoldaýymen ázirlenip, júzege asyrylýda.
Qor inkliýziia salasyndaǵy otandyq sarapshylarmen birlesip, balalarǵa teń múmkindikter jasaýǵa baǵyttalǵan júieli jumystardy atqaryp keledi.
