Astana qalasynda azamattyq baqylaý aiasynda «Dala Qyrandary» JQB-niń «Abyroi» jasaǵy júrgizgen is-sharalar barysynda sýrrogatty alkogoldi kóterme túrde satqan «Gúlsara» dúkeni anyqtaldy, dep habarlaidy Dalanews.kz.
Tekserý kezinde 1280 litr kóleminde zańsyz alkogol ónimderi tabyldy. Is-shara barysynda túsirilgen beinematerialdarda dúken iesiniń sýrrogatty alkogoldi samogon apparaty arqyly ózi óndirip, keiin satýmen ainalysqanyn ózi aitqany kórinedi.
Atalǵan derek boiynsha oqiǵa ornyna quzyrly organdar men arnaiy top kelip, anyqtalǵan ónimderdi tárkiledi. Materialdar ári qarai tiisti protsessýaldyq sheshimder qabyldaý úshin jaýapty organdarǵa joldandy.
Resmi derekterge sáikes, Qazaqstanda sýrrogatty alkogoldi tutyný saldarynan kún saiyn keminde bir adam kóz jumady. Mamandar mundai zańsyz qyzmettiń adam ómiri men densaýlyǵyna tikelei qaýip tóndirip, qoǵam úshin úlken tragediia ekenin atap ótedi.
