Qarjylyq monitoring agenttiginiń Astana qalasy boiynsha departamenti memlekettik organdardyń aqparattyq júieleri men sybailas jemqorlyq tetikterin paidalaný arqyly shetel azamattaryna jeke sáikestendirý nómirin (JSN) zańsyz rásimdeý shemasyn anyqtap, jolyn kesti, dep habarlaidy dalanews.kz.
Qoldanystaǵy zańnamaǵa sáikes, shetel azamattaryna JSN berý olardyń Qazaqstan aýmaǵynda jeke qatysýy jáne mindetti biometriialyq sáikestendirýden ótýi arqyly ǵana júzege asyrylady.
Alaida tergeý málimetinshe, 2024–2025 jyldary ótinish berýshilerdiń Qazaqstanǵa kelýinsiz-aq JSN rásimdeýge zańsyz kómektesetin qylmystyq shema jumys istegen.
Belgili bolǵandai, shemaǵa qatysýshylar áleýmettik jelidegi arnaiy arna arqyly JSN-dy qashyqtan alýǵa múddeli shetel azamattaryn izdep, tartqan.
QMA málimetinshe, qylmystyq áreketke «Azamattarǵa arnalǵan úkimet» memlekettik korporatsiiasy» KEAQ-nyń Astana qalasy boiynsha filialynyń qyzmetkerleri de qatysqan. Olar halyqqa qyzmet kórsetý ortalyǵynyń aqparattyq júiesine kórineý jalǵan málimetter engizip, JSN alýǵa qatysty jalǵan ótinimder rásimdegen.
Tergeý nusqasyna sáikes, zańsyz syiaqy deldaldar arqyly bank aýdarymdary túrinde berilip, keiin shemaǵa qatysýshylar arasynda bólingen.
Atalǵan derek boiynsha qylmystyq is tergelip, materialdar sotqa joldandy.
QR Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
