Astanada sheteldik jasóspirimderdiń qatysýymen bolǵan taǵy bir oqiǵa áleýmettik jelide qyzý talqylanyp jatyr, dep habarlaidy dalanews.kz.
Qala turǵynynyń aitýynsha, ol qurbysymen birge “Luna” kofehanasynyń jazǵy alańynda otyrǵan kezde, bir top jasóspirim olardyń mańynan shyqpai qoiǵan. Alǵashynda olar aqsha men tamaq suraǵan. Qyzdar bas tartqannan keiin de jasóspirimder jaqyn mańda júrýin jalǵastyrǵan.
Keiin tapsyrys berilgen kofe ákelingen sátte, jasóspirimderdiń biri kútpegen jerden júgirip kelip, qyzdyń qolyndaǵy sýsyndy julyp alǵan.
Oqiǵa kýágeriniń sózinshe, mundai áreket ony qatty tańǵaldyrǵan.
Eske salaiyq, buǵan deiin Almatyda da osyǵan uqsas jaǵdai tirkelgen bolatyn. Ol jerde bir top jasóspirim kóshedegi adamdarǵa tiisip, tas laqtyryp, olardyń zattaryn tartyp alǵan.
Keiin politsiia olardy ustady. Quqyq qorǵaý organdarynyń málimetinshe, jasóspirimderdiń barlyǵy Tájikstan azamattary bolǵan. Sot sheshimimen olar Qazaqstan aýmaǵynan shyǵarylyp, elge qaita kirýine tyiym salyndy
