Astanada qonaqúi kesheni men mektep salý maqsatynda birneshe jer telimi memleket qajetine májbúrli túrde alynady, dep habarlaidy dalanews.kz.
Qala ákimdiginiń qaýlysyna sáikes, Esil aýdanyndaǵy Qonaev pen Saraishyq kósheleriniń aralyǵynda ornalasqan 7 gektardan astam jer memleket qajetine alynady. Bul aýmaqta «Mandarin» qonaqúi kesheniniń qurylysyna arnalǵan injenerlik izdestirý jáne jobalaý jumystary júrgiziledi.
Osy maqsatta 26 jer telimi men ondaǵy jyljymaityn múlik nysandaryn satyp alý josparlanyp otyr. Jerdi ielikten shyǵarý rásimi 2027 jylǵy 3 tamyzǵa deiin aiaqtalýy tiis.
Sonymen qatar Zarechnyi turǵyn alabynda, Úshqopyr men Qaratóbe kósheleriniń qiylysynda ornalasqan 2 gektardan astam jer de memleket qajetine májbúrli túrde alynady.
Bul aýmaqta jańa mektep qurylysyna arnalǵan injenerlik izdestirý jáne jobalaý jumystary bastalady. Joba aiasynda 10 jer telimi memleket qajetine alynyp, bul rásim de 2027 jylǵy 3 tamyzǵa deiin aiaqtalýy josparlanǵan.
Qaýlylardyń oryndalýyn Astana qalasynyń Turǵyn úi jáne turǵyn úi inspektsiiasy basqarmasy qadaǵalaidy.
