Astanada qoǵamdyq avtobýs jol apatyna tústi, dep habarlaidy dalanews.kz.
Astana PD málimetinshe, 29 qyrkúiekte Zeekr kóliginiń júrgizýshisi Máńgilik El dańǵylymen Qabanbai batyr dańǵyly baǵytynan kele jatyp, Hýsein ben Talal kóshesimen qiylysta solǵa burylǵan, sol kezde qarsy baǵytta kele jatqan qoǵamdyq avtobýsqa jol bermei, soqtyǵysqan.
"Jol apaty saldarynan Zeekr kóliginiń júrgizýshisi men jolaýshysy, avtobýstyń eki jolaýshysy meditsinalyq mekemege jetkizildi. Zeekr kóligi kommýnaldyq turaqqa qoiyldy. Jol apatyna qatysty tekseris júrgizilip jatyr", - dep jazylǵan habarlamada.
